هـقولك نـكـتـه وانت هتضحك
وانا راح أضحك ونضحك كل القاعـديـن
كان فيه مرة ست عجوزة ف فلسطين
ساكنة ف قرية بعيده غريبة اسمها حطين
دخلوا عليها ولاد العسكر بالسكاكين
كان جرميتها وزمب حياتها ..
انها بتصلى وتدعى على الكافرين
ياله بقى اضحك وانا راح اضحك ونضحك كل القاعدين
نكته كمان
كان فيه مرة بنت صغيره ..من قرية اسمها سرنتشا
قاعده تردد غنوتها وهيـه فى بيتـها
جيشنا ايمان .. دينا امان .. هندوس ع راس الظالمين
قاموا اخدوها واغتصبوها ورموها للنخاسين
ياله بقى اضحك وانا راح اضحك ونضحك كل القاعدين
اخر نكته وبعدها هسكت خالص مش هتكلم
هات سكينك واطعن فيا مش هتألم ولا هتظلم
كان فيه مرة طفل صغير زى البـدر
دبحوا عيلتـه فى ليلة غـدر
اخدوه للتل .. عاش ف الضل وشاف الذل
وفضل يدعى على الساكـتيـن
ياله بقى اضحك وانا راح اضحك ونضحك كل القاعدين