خلص الكـلام

موضوع: خلص الكـلام السبت يونيو 28, 2008 1:18 pm

خلص الكـلام
خـلص لكلام وابتدا وقـت الحـساب
فينا اللى عاش ف نعيم ولا شاف عذاب
وفينا اللى ضهره انحنى وشعرة شاب
مع إنـوا لسه شـباب .. شـاف الآلام
خـلص الكلام
خـلص الكلام و ابتدا وقت الشقـا
فينا اللى لبى ربه فرحـان باللـقا
وفينا اللى عملة يشده نحو المحرقة
وكل واحد همة روحـة ولا فيش سلام
خـلص الكلام
ياللى الغرور ملى ضميركم وقلبكم
بكرة هيجى الموت .. تقابلوا ربكم
وكل واحد إتظلم منكم .. أو ليه حقوق عندكم
أنا ليا حق ولازم أخده منكم .. سرقتوا حقي وأكلتم حرام

خـلص الكـلام
فى ناس تعيش ف النور وناس حياتها ضلام
وناس كتير سكـاتها أقوى من كل الكلام
وناس بيجى الموت على بابها تقوم تفتح قوام
وناس تحب الغـش والمـال الحـرام
خـلص الكـلام
الإمضاء / سامـى عبد المنعـم

عدد الرسائل : 32 تاريخ التسجيل : 17/05/2008

تسلم ايديك يا سامي على ها الكلمات الرائعة
كلمات تنم عن احساس كبير بالظلم و القهر
كلمات تصور حياة شخص قسى كثير في حياة
خـلص الكلام
ياللى الغرور ملى ضميركم وقلبكم
بكرة هيجى الموت .. تقابلوا ربكم
وكل واحد إتظلم منكم .. أو ليه حقوق عندكم
أنا ليا حق ولازم أخده منكم .. سرقتوا حقي وأكلتم حرام
صدقني كل من ليه حق راح ياخذ حتى لو ما اقدرش ياخذ يايديه فربنا مش راح اسيبلوا حق و ربنا على الظالم
و مادام في حياة في اخذ و رد

اتمنالك المزيد من النجاح و الابداع و التالق و ننتظر منك المزيد

موضوع: خلص الكلام الثلاثاء يوليو 01, 2008 6:20 pm

تسلم ايدك ياسمسم
بس لسه ما خلص الكلام
طول ما فى حياة
طول ما فيه شفاه
طول فى حقد وفساد
بس لسه فى امل
فى عبير وزهور