كلمات سوف تهزك اهتزاز

آه يابن عبدالله.. آه يا حبيب الله..
جفت دموع الندم.. والقلب هدّه الألم..
والصوت كأنه عدم.. صَبَح مالوهش حياة!
آه يابن عبدالله.. آه يا حبيب الله..
مين رد في غيابك.. لمّا الأذى صابك؟
حتى الكلام من الخوف.. هربانة منه حروف!
حتى القلم مكسوف.. مش لاقي حد معاه..!!
انا اللي ما بنجدك.. ازاي حازور مسجدك؟
وازاي هامد الإيد.. لو من بعيد لبعيد؟!
ازاي يهون اسمك.. وانت حبيب الله؟
معقول هاتشفعلنا.. بعد اللي كان مننا؟
هو الهوان عيبنا.. ولا السكوت ذنبنا!
وسكتنا ليه ولمين؟ يا مخلوقين من طين.. خافوا عذاب الله!.. خافوا عذاب الله!